最唔鍾意勉強人既人,又點會鍾意勉強自己...

今日終於都知道結果...雖然係其中一個最唔想發生既結局,anyway,我可以接受到,起碼我真係做過我想做既事。

而家係時候重新review一下,點樣可以達到自己理想既人生。

其實係唔係我自己搵野黎煩呢...?

但我無辦法控制呢d事既發生...唔知聽日會點。

今日又同個friend走左去踩單車,路線如下:

大埔墟 -> 大美督 -> 沙田博康村 -> 馬鞍山公園 -> 大埔墟

09:30 o係大埔墟既蔡潤記食麵。呢間已經超過十五年無去過,裡面既裝修都無乜變...令我回憶起細個既時候...可惜始終唔係以前個老細煮既(已往生了...),無以前既咁好食。Anyway...

10:00 租車,開始行程。

11:00 到達大美督,因為太早,燒烤場幾乎無人...

13:30 到達沙田博康村,o係老麥食lunch。

15:15 到達馬鞍山公園,準備返大埔墟。

16:30 返到大埔墟還車,跟住去老麥打機(NDS Mario Kart)。

今次踩單車真係唔錯,天朗氣清,同埋真係差唔多utlilize晒我地既租車時間。不過真係超tired,我個friend o係老麥仲腳抽筋...

極度期待下次再踩過...目標係o係相同time frame入面,去到更多/更遠既地方。

[往相簿]