原來不經不覺,差唔多有成個月無打blog...今日打返夠本先...

有日子篇

12月15日(星期一)

今日係清假日最後一日full day AL,終於clear晒,唔駛再咁放假...好討厭每個星期二返到去要追返晒d email...

12月13日(星期六)

今日同個frd去左踩單車,估唔到大埔馬鞍山來回,可以三個鐘攪掂,仲要咁耐無踩,但好快上手...下回目標係入大尾督再出馬鞍山來回。

12月12日(星期五)
下星期既xmas lunch,忽然話要抽送禮物既對象...點知抽著個女仔,唔知送咩好...煩惱ing...

無日子篇

*****

「機地」終於建設完成。新PC+新mon+新keyboard combo+新speaker+XB360+Wii - 全部集中晒一個location。[看圖按我]

*****

忽然諗到以下「無聊」野:

以前:
唔算好多野做 > 有時間去尋根問底 > 了解多左 > 無咁多uncertainty > 做得快左 > 變左好似無咁多野做(又返番第一個pt)

而家:
好多野做 > 無咁多時間了解咁多 > 多左uncertainty > 做得慢左 > 變左越來越多野做(又返番第一個pt)

剛躺在床上,忽然回憶起兩年前痛苦的日子...

過去這兩年,學到了很多,以為改變了很多;

但現在不知怎的,忽然又覺得原來都沒有甚麼改變...

一直以為意識很強,但面對這些改變,忽然覺得厭倦了...竟然在這個不適當的時候,有了這個念頭...

請唔好再搞住我...

今日去左天水圍濕地公園。

搭住輕鐵,經過既地方,都有住同佢既回憶。

今時今日,我孑然一身,唔知幾時先會有人會同我一齊?

係我要求太高?

定係我無去追?

由或者根本原因,係我無忘記過呢個我深愛過,但後來又傷我至深既人...?

下個月應該可以達成目標...最癲既一次...之後真係要收斂d...

我寧願以後都自己一個人就算。

估唔到過左咁耐,都仍然係咁辛苦...

希望遲d果服麻醉藥,真係會有效...

簡直係惡夢...

今日再次見証香港人既羊群心理...六點幾經過,仲以為開左新投注站...超多人...

唔該可唔可以羊群心態前,俾d獨立思考,諗下人地講既成唔成理由先?

今日係阿嫲出殯既日子。

最後一次見到阿嫲,有d想喊。

第一次坐靈車,經過荔枝角,又諗起以前o係果度接女友既情景...就好似阿嫲一樣,以後都唔會再出現,隨風而逝...

最後去到火葬場,見到老豆㩒掣送阿嫲入去...最後大家都出奇地平靜...

回程途中,侄仔問我太嫲o係個箱入面,會去左邊?我只係話佢知太嫲會去同耶穌一齊生活...侄仔仲細,可能仲未完全了解死亡係乜...

而家最緊要既,都係屋企人...珍惜每一秒。

尋晚終於睇左之前想去IMAX度睇既Speed Racer,真係幾好睇~雖然唔係正常既賽車,但或者係因為佢既天馬行空,刺激既賽車畫面同埋佢背後所帶出既人生意義,令我覺得好正~

後來再睇埋製作花絮,覺得d人真係好勁...個故仔背後每一架車都有好詳盡既介紹...雖然可以話係吹水,但要諗到咁多野都唔係容易...

眨下眼,原來差唔多成個月無update過個blog...最近真係好多事...

09/06 (星期六)

今日終於買左我人生之中第四部電腦既parts,亦係自己第一部全資擁有既電腦...

但係夜晚終於傳來噩耗...嫲嫲去左...去到見佢最後一面,都算去得安詳...我有d想喊,但喊唔出...腦海中不斷浮現以前既片段...雖然一齊既時間唔係好多(因為住得好遠),但我知道阿嫲係特別錫我既(我地三兄弟之中)...

09/07 (星期日)

今日終於砌起部腦...速度上既快感,真係無得彈...但一諗起阿嫲,就無乜心機...

09/08-09 (星期一、二)

同阿爸阿媽去搞手續...第一次為死亡做事...

09/13-15 (星期六、日、一)

無聊既中秋節假期...繼續玩電腦...就變otaku...

Goodbye my friend...see you next year...(or these days before you leave...)

Watching you, watching me
You don't know how you've betrayed me
Can't find myself lost in your lies
I need to trust myself again

Uh uh uh, got to get away
Uh uh uh, there's nothing you can pray
For so long
I've been in love

I want to heal, I want to feel
Coz nothing is real, suicide
Deep in my head, don't be afraid
Erasing your fears, right now

I want to heal, I want to feel
The pain is real, you won't leave me alone
Over the future over the past
Wasting my time, right now

I am a box I am a screen
I'm every nightmare every dream
I am the window over your land
So turn me on and take my hand

今日美國既表哥打黎,同我老豆傾左好耐,話姑姐精神失常...

有咩辦法?唔講遠既,同老公離左婚,個女又離家出走,淨返個仔相依為命,生活逼人,o係美國又無親無故咁滯...難怪會咁樣...

點解有d人可以咁容易放棄自己既屋企人?我真係好唔明...可能對方係有不是既地方,但唔係應該要互相包容咩?

又記得曾經有人同我講,話已經當我係佢既「屋企人」,尤記得當時聽到佢咁講果時,心裡面既感動...可惜只係幾個月,呢一切都只變成一堆廢話...世事真係變幻無常...但無論點都好,屋企人係唔可以放棄既!

今日係會考放榜。

回想起十年前,我都經歷過一次。仲記得expect得5、6分,最後拎到十幾分,仲要逃走既情景...(因為我猛同d friend講自己只會得5、6分...一俾佢地知我十幾分,仲唔炳我咩...)

眨下眼就過左十年...借用農夫 - 十年人事既歌詞：

「原來突然眨下眼　咁就過左十年
以前仲係中學生　今日要出嚟搵錢
每一年嘅煙花匯演都係一個紀念
紀念　公眾假期多咗幾天...」

最近成日都夢見同一個人,同一個主題...

...雖然咁代表呢個人可能係好重要...可能我表面上恨佢,但o係我心裡面,仍然會有佢既位置...anyway...who care?

生命中可能曾經出現過一d好重要既人物,但關係一但破裂,可能就會以後都唔會再見...

但死黨老友就唔同,可以好耐唔見,但一約出黎就可以玩餐飽,完全無顧慮。

可能真係好似黃子華話齋：「冇啦LUNG就最襟玩～～～～～」

期待人生中下一位重要人物既出現...希望會係合適既一個。

07/24/2008 (星期四)

今晚放左工,同成班同事一齊去打保齡,超high(雖然真係打得好唔掂)

同日夜晚,我既新基地(電腦枱)終於完成組裝...

07/25/2008 (星期五)

今日係ex既生日...不過由今年開始,已經唔關我事lu~

07/26/2008 (星期六)

為左新基地,今日好落力咁執野...掉左好多好多野...裡面有好多係我既回憶既hard copy...

不過諗深一層,有d野過去左,回憶留o係心裡面,已經好足夠...

而家係時候繼續plan下我個基地既建設...

07/27/2008 (星期日)

今日去左大佬屋企打機...好大挫折...o係自己最強既領域(賽車)上完全落敗...雖然咁係好正常...

到我都買左機之後,你就唔會咁好彩ga la...

如果不斷發相同/相似既夢,咁...代表d乜?

今日放工,食完飯,訓o係床上面閉目養神...

忽然o係度諗,到時自己死左,訓o係副野入面,會有邊個黎見下我最後一面,o係我身邊送我一程?最後我得到既係乜野?定係真係一死左就乜都無?

又或者若干年後,人類真係可以長生,咁...係咪即係唔需要再有人生仔?如果唔係既話,點處理有增無減既人口?同埋如果可以長生,又等唔等於人類可以過自己理想既生活?如果唔可以既話,咁為乜要長生?

或者呢d都證明生與死、破壞與建設既重要性...

其實可能自係我諗得太多太遠...haha...

星期五條頸痛到呢...終於忍唔住,攞左由TKO搬過黎之後既第一個sick leave...

尋日好返好多,可以on schedule去睇Hancock,都唔錯,比起原本睇廣告睇到既內容,原來仲有更加深入既、廣告無講到既一面...

好似Hancock咁既超人,都會有覺得孤單既一面...表面上自我中心,但其實都想得到其他人既認同、接受...

================================================

今日終於趁特價,訂左新既電腦枱...我既次世代行動終於始動...

面對不斷既彎路,唯有盡量去面對,盡量減少出錯帶黎既時間差...但係精神上既損耗,真係好犀利...

P.S.期待星期六去睇街頭超人...一條友。

o係賽車既世界裡面,有d車手會不斷去改裝戰車,務求提升戰車既極限;

但又有d車手,唔會太依賴改裝,而係會透過不斷既練習,同戰車既不斷溝通,去提升自己既極限。

但係當經過一段時間之後,發覺原來極限已經摸頂,咁...really a dilemma...

================================================

又記得o係頭文裡面,曾經有人講過,作為一個職業賽車手,實際上可以落賽駕駛/賽車既時間,其實反而唔係好多,因為大多數時間都係做其他既野,例如學習理論,或者其他相關既練習...

其實同而家既情況都幾似...雖然都有好明顯唔同既地方...

今日12點幾,一條友去沙田睇殺神特攻,果然唔錯,刺激得黎又有搞笑位。Btw...呢次應該係我第一次一條友入戲院睇戲?

-----------------------------------------------

Takumi Fujiwara vs Toshiya Jyojima

當Takumi面對對手不斷變化既行車線,再加上後來對手全力既衝刺,Takumi咁既高手都不得不變得慌亂,不斷咁反覆使用溝渠行車,最後仲整壞左避震...如果唔係因為對手既體能出現問題,應該一定輸梗...

Takumi有咁既運氣,但我地日常做既野,又會唔會有咁既運氣,可以逢凶化吉?

-----------------------------------------------

仲記得好早幾年前(唔知而家仲係唔係),Apple應該算係電腦業(其中一間?)最敢破舊立新既公司。

PC界成日講backward-compatibility,新野一定要兼容舊野,帶來既係效能上既折讓,又或者其他兼容問題。

但Apple就勇於唔玩向後兼容,出既新野,真係完全既新野,咁先可以真係發揮到新野既100%實力。

不過其實有幾多人,幾多公司可以完全既破舊立新?

-----------------------------------------------

好掛住Melbourne。

雖然曾經o係Mel同我一齊既人已經唔會再出現,但我仍然好想再至少去多次Mel,去睇下呢個我視之為我第二個home country既地方,再次回憶以前既種種。

有時我都好想有呢種決絕既能力,但我真係做唔到。或者咁樣係好白痴,但我真係無辦法去忘記、去忽略自己既感情。

Assume budget = B, which is constant

For those that I want to buy:
Let DLSR = D
Game console = G
LCD = L
PC = P

Then, the below can be formulated:

B < D
B > G
B = L + P

But I really dunno why there is always ppl who just keep on asking for the below formula:

B > D + G + L + P

Do they need to learn again some basic maths?

-----------------------------------------------

Why we suppose to survive in this world?

Are we really need to make other ppl's life difficult in order to achieve something (if there is any)?

Are we really achieving something if we already know what we paid exceeds what we gain?

What is the meaning of balancing?

What is the meaning of empathy?

These are really confusing me...

-----------------------------------------------

黎返中文channel...今日金句：

「南極北極夠有發展空間啦,你唔去開發?」

今日差唔多成個日頭,都o係大佬屋企打xbox360。

試左Codemasters既GRID試玩版,果然一如所料,超正!雖然只係試玩版,但第二版既drift真係好過癮,仲要一玩就玩棍波,大佬睇見都話勁!(雖然玩完發覺好低分...可能因為甩得仲係唔夠勁)

跟住又同大佬雙打PGR3,雖然唔係話玩得好好(因為自己屋企無得練習),但都係超過癮,仲可以同我大佬鬥下。

搞到而家有d心郁郁,想換電腦玩GRID...始終心裡面都係好想做一個車手...現實中做唔到,唯有o係遊戲世界裡面,實現夢想。

有夢最美。

真係好痛苦...

好似從來都無試過諗過想敗咁多樣野,而最後過左咁耐,竟然一樣都無敗到既情況...

單眼...
Wide screen LCD...
XBox 360...
新電腦...

超慘。

係咪因為以前既遭遇,令我而家要不斷咁壓抑住自己?

係咪因為唔識say no?

係咪因為唔想認輸?

係咪因為唔識say go?

我發覺越來越攪唔清楚前路,表面上看來係清楚易行,實際上我知道唔係咁樣。

我諗我真係有病。

本來以為加左人工,就可以鼓起到勇氣敗入D300,但結果好似係事與願違?

本來以為係因為儲錢問題所以「不敗」,但而家好明顯証明左唔係...某程度上,加左人工之後,仲慳過以前...

睇黎就快會到守財奴級...唔知駛唔駛搵個心理醫生睇下...

尋晚發左一個好好既夢,所以今日成日都好開心...

但到夜晚,返到屋企,悶極無聊,再次回想起夢境,先至醒覺到,呢個只係一個夢...一個唔會實現既夢。唔係屬於自己世界既野,唔會有可能俾你得到;就算俾你得到左,都唔會有好結果。

幻想成真 -- 我而家已經開始唔信呢一套。

剛剛無聊,到了以下網址,玩了一個心理測驗,測測自己是《頭文字D》中的哪個人物...我竟然是藤原拓海!!!

http://bbs.btbbt.com/thread-2825295-1-1.html

A. 藤原拓海。你是一個不追求虛榮的人，你並不希望自己可以過上眾星捧月般的生活，因為你相信，只要你自己有實力，無論到什麼時候，只要需要自己發揮自己能力的時候，你就可以在第一時間完成任務。對於你來說，為了追逐名利而忙碌是一種非常不適合你的生活，你寧願一個人平平淡淡地那份平靜和隱居塵世的感覺。對於愛情，你和藤原拓海有著一樣的信仰，你無法容忍愛情中的背叛，既所謂寧為玉碎，不為瓦全。

睇完之後,都覺得幾似...

Give me a sign that will keep me alive
In this hopeless cruel cruel world
Out in the blue there'll be nothing to loose
When we'll sacrifice your soul

I just wanna be the one for you
I just wanna be the one who loves you
Time is changing but we'll never do
You're

All that I want
And there's nothing you can tell me
Fever in this blood of a loving man
You're
All that I want
I can feel the love you give me
Baby now you gotta understand
All that I want

Light up a candle and you will remember
That fire is your love
Life is a danger and love is a stranger
But stronger is my soul

今日同二佬去醫院探阿嫲...都係同上次一樣,唔認得我(地)...

跟住去左二佬屋企打機,同埋同佢d貓貓影相。

老虎仔(大果隻)成日唔多郁,鹿仔就成日周圍走,好活躍,所以同佢影左好多張相~有興趣就入相簿度睇下啦~~

今日終於到左脫得最徹底既一次...為keyboard徹底咁清潔。

================================================

夜晚同二佬上左大佬屋企,大戰Mario Kart Wii...

三兄弟 + 侄仔Joe兩代同場較量...超high!

今日o係office留到9:30先走...多野做到呢...

有時見到其他同事做既野,真係好想「玩」埋一份...but now...I have no chance...I'd better concentrate on what I am doing now rather than day-dreaming...

今日真係咁耐以黎,一次過買得最多衫褲鞋襪既一次,真係好暢快呢。

o係剛過去既星期日、一,同阿媽,二佬同埋準二嫂去左澳門玩。對上一次去澳門係兩年前,同女友一家去...

今次係我第一次同阿媽去香港以外既地方玩,感覺真係好特別。佢之前都去過澳門,但已經係三十幾年前lu。

今次去返一d我之前去過既地方,亦都有去一d我未去過既地方,所以今次影相唔多。

不過每當經過一d同以前女友去過既地方,心裡都係覺得好唔舒服...回想起以前種種...諗都無用,但係我知呢樣野唔係我可以控制到,因為呢個係我既性格。我唯一可以做既,係唔好比呢個回憶,影響我而家既生活。

今日收到二佬送既86模型,真係好正~~多謝晒~~

不過想放o係公司,要開始搵下邊度有d透明箱可以買。

今日終於買左Mario Kart,勁好玩!

期待同大佬二佬一齊上網鍊車

經過一段短時間既考慮之後,今日終於都買左我一直想買既ProTrek。

話說最初我同Daniel去先達度格下價先,去到二樓某錶舖,見佢唔係好多ProTrek揀,咪問下佢有冇多d款揀...

點知個阿伯shopkeeper就一輪咀咁,話:

「你買ProTrek黎做乜?」

「你要用指南針咩?」

「你要用氣壓計咩?」

...

其實我有錢買錶,買黎有冇用,關你乜事?使唔使我著晒成套行山裝,先黎買行山錶?不過算,無必要同佢嘈,即閃。

最後終於o係先達度買左我既心頭好,真係好開心呢~

不過算啦,而家已經開始唔care...

都係努力諗下自己既短期目標好過。

今日係分手之後,一個人過既第一個生日。

中午出去食lunch,架貨差唔多塞滿人,我都係o岩o岩入到,關到門...

Steven o係入面,無啦啦話要唱生日歌比我聽,跟住真係有幾個人和應唱起黎...真係尷尬到我呢...

但係最尷尬既係,唱完之後,發覺架無郁到...原來我地入埋去之後超重...唯有趁開返門果下,扮同Steven佢地共同進退,離開呢個尷尬地...

-------------------------------

估唔到我老豆今年竟然買生日蛋糕賀我生日,真係好開心呢~

因為呢次係佢第一次為我既生日買蛋糕~(好似我兩個阿哥都未曾試過)

多謝晒~~~

今日好即興咁同阿媽去左香港歷史博物館參觀。

其實之前都去過一次,不過今次同埋阿媽去,佢都有不斷講返以前既野,我諗佢都應該好開心呢~

今日同一個U friend去預祝我生日。

呢個friend真係好唔同,好似無論幾耐無見,幾耐無溝通過都好,一見返面都可以有講唔盡既話題。

我地由一入U就識,一齊玩,大家有共同既嗜好、話題,可以話得係一見如故既老死。

===============================================

最近成日聽Dave Rodgers既Lucky Man。

其實聽呢首歌真係好有feel...唔知係因為歌詞,定係因為o係頭文字D裡面播起呢首BGM既時候,拓海既痛苦呢...?

"一定要想想辦法,只要是我做得到的,什麼我都肯試!"

今朝一訓訓到九點幾,比阿媽叫醒,問我係咪去花展。其實早一個星期已經講好左今日去,but...好似會落雨?不過既然佢咁想去,ok! Let's rock!

12點幾去到,果然...落雨,仲係無停過既毛毛雨,夾雜住幾野大雨,不過憑住我地不到黃河心不死既精神,都o係場入面消磨左兩個鐘。

跟住又去埋中環蓮香樓飲茶,真係舊式既茶樓,每人都有一蛊茶自己斟。因為自己太過深受現代化既洗禮,無辦法做到單手斟茶...失禮晒。

最後我地仲去埋二佬o係紅磡既屋企玩貓。仲記得我第一次見鹿仔既時候,佢好驚人,而家已經無咁驚人lu。

晚餐o係紅磡既巧興北京餃子店度食麵,又真係幾好食喎。好耐無食過呢d麵lu(其實心裡面諗緊既係上海麵...唔係同一樣野)。

今日去左參觀沙田污水處理廠。

其實本來呢個地方可以算係唔會有好多野(好)睇,不過好佢地都搞得唔錯,setup左好多野俾人玩,好似攤位遊戲咁,另外又借左d馬黎同d人影相(黎緊奧運馬術嘛),所以變成左一個幾適合一家大小參加既活動。

不過對我黎講就無乜所謂,反正我乜都影一餐。如果要俾意見,我覺得下次可以試下同埋隔離水警基地一齊搞開放日,咁就正啦~~

今日放工後,同阿爸阿媽去尖沙咀文化中心聽尹光08好過癮演唱會...兩個第一次,分別係...

1. 第一次同佢地出尖沙咀(記憶中係)
2. 第一次一齊聽演唱會

去到,果然不出所料...都係上年紀既人居多...當然我呢個age group既觀眾都有,不過唔係多咁解。可能因為只開兩場,所以都坐到爆晒。

再次令我回憶起marketing...由於主要既target segment係上年紀既觀眾,所以多數都係唱d舊歌或者粵曲,不過o係歌曲編排上都做得唔錯。同埋唱少理阿爸果時,全場都好high,佢自己都high到有一段唱到甩左。

朱咪咪個銀鳳look都係好勁下...唔知點形容...(詳情自己去相簿睇...後果自負)

其實真係幾欣賞尹光。佢既年紀都有返咁上下,但係唱粵曲又得,rap歌又得,証明佢既心境仲係好年輕...仲有佢既服裝,仲新潮過我...

[相簿連結]

今日去左西九龍海濱長廊一趟...

一個好似比想像中細既地方...無想像中咁多野影...anyway...但好多拍友o係度影相。不過今日個天灰濛濛咁...好難影到靚景。

反而係後來影隻椿象,用左比較多時間。

最後總結:其實都算係唔錯既地方,不過真係唔好expect可以消磨好多時間,因為地方真係唔大...同埋能見度低既時候就唔係好值得去,因為對岸香港島既景色,都係一個好重要既背景...

今日同一個U friend去CU打網球,好開心~

終於又一個同事last day...畢業了...

從來無諗過搬左過黎之後，你會係第一個離開既人...anyway，今年開始以黎，只係過左兩個月，都已經發生左好多無意想不到既事，所以都有d麻木左...

不過，雖然係咁，心裡面都總是覺得不是味兒。

祝你旅途愉快。